ایرَم وَ حونه آخرش
بِی دلی که در وَ درِ
ایخوم بباره خرسَلُم
مردمِ طیفون بِگره

ایخوم تقاصمه پس بِدِن
باید تشی مو بِر کنُم
ایخوم برَم میدون شهر
بغضمه منفجر کنُم

ایسه که پس زدی مونه
یه زخمِ کاری خَرده دل
دَ اعتمادی نی کنُم
کُنُم یه لحظه دردِ دل

حق مونه بشکنه دلُم
وقتی وَ تو وابهسه بَم
هر کسی عاشقِ تو بو
ایخره خینِ دل و غم

نی دَ کسی وَرگردَنِت
گُنه ی دلِ مو گردَنِت
های مو دلُم بال ایزنه
گل سی یه لحظه دیدنت

چترمه ایی وردارمو
ایرَم وَ حونه بی خَوَر
وقتی که نم نم بزنه
ایرَم نبو وِی مو اثر

ایرم که دلتنگی یلُم
دیمه دَ زخمی نکنه
ایی بینه خَرسَلِ مونه
وقتی خیالُم تِی تونه

#سهراب_عرب_زاده